أنهاردة أول حلقة في الكلام العملي نبتدي مشروع لنهضة بلادنا والمسلمين وأنهاردة خطوة البداية ومش ممكن حد يعملها لوحده دي هانعملها كلنا مع بعض

أنا هافكركوا بصورة كنا حكيناها كذا مرة

شاب قاعد في أوضة ضلمة حزين ومكتئب لوحده في أوضة مليانة عنكبوت ودخلنا عليه وقولناله أنت ممكن تصنع الحياة أنت ممكن تنجح وأقتنع الشاب الحزين والبنت الحزينة وقالوا يلا نخرج برا الأوضة الضلمة بس كان في قيود كتير مسكاهم ما قدروش يتحركوا

ومن أنهاردة مرحلة فك القيود بس أحنا مش ذي زمان نسمع بس لأ أحنا كلنا هانفك مع بعض أحنا في ورشة عمل وأنا بحفذك علشان تشيل القيد وبساعدك لكن انت ايلي لازم تدخل المفتاح وتفك قيدك بنفسك وهي 10 قيود هما ايلي مكتفين الشباب وستات البيوت والناس الكبار واحنا جايين انهاردة نفك القيود ديه تخيلوا مئات الشباب أجابي وعنده جدية ومش بيضيع وقته ولما بيعملوا حاجة بيعملوها صح من أول الصلاة لحد ورقة أمتحانه 10 قيود لو فكناها تخيلوا لو طلع مئات الألاف فكوا القيود

1-لما تشوف حاجة غلط روح وبلغ عنها وما تتكسفش وتسكت وتقول انا مالي

2- وده نوع خطير جدا لما تلاقي حاجة صح مش موجودة روح أنت واعملها من غير ما تستنى حد روح أنت وخد الخطوة

خد بالك أحنا في صناع الحياة بنركز عالنوع التاني طلاما تقدر تعمله طول مانا بقولك روح بلغ عن الغلط ديه حاجة مش بأيدينا فأنت هاتقول انا كنت أيجابي وما حصلش حاجة فيحصلك نوع من العجز والأحباط بس احنا هانتكلم عن ايه الصح ايلي ممكن نعمله علشان نتحمس ونقدر نعمله

أحنا جايين نضخ الدم في عروقنا فينكسر القيد دم بيقول انا لازم أنجح

تعالى بدل ما نقول هانشيل كذا قول هانضيف كذا والبناء أكثر تأثيرا من مئات المحاولات للهدم

تعالى أديك أمثلة:

الزبالة أيلي قدام شارعك ما تروحش تشتكي وتقول محدش عمل حاجة لأ روح انت شيلها بنفسك أو جيب انت حد يشيلها

الحفرة ايلي قدام بيتك روح أنت أردمها

الزجاج المكسور في بيتك روح انت وصلحه

حنفية بيتك روح اتعلم أزاي تصلحها او روح جيب حد يصلحها من غير ما تشتكي لوالدك ووالدتك

لم أولاد الجيران وعلمهم كمبيوتر

لم أصحابك وعلمهم لغة بدل مانتوا ما بتعملوش حاجة

المعمل ايلي في كليتك أو مدرستك أنزل انت وأصحابك وأشتروا الحاجات ايلي نقصاه

روح علم واحد أمي

علشان تحس انك عملت حاجة في دنيتك الأيجابي هو ايلي يصلح

ستات البيوت لموا بعضكوا وأتفقوا على مشروع أعملوه مع بعض أو جمعية خيرية للأيتام أو كذا أو كذا

ضيف حاجة كن أيجابي ولو أتفك قيد السلبية ده ياااه هانتغير تغيير شامل هاتقول أنا أضفت أنا عملت حاجة أيه رأيكم في الأفكار ديه

يلا نكون أيجابين يلا نصنع الحياة

ناس مش عارفة تتعلم القرأن علمها أنت

من أنهاردة أختفت كلمة وأنا مالي ولا أستطيع ومش قادر مش هانقول وهو انا ايلي هاغير الكون أكيد طبعا أيوة أنت ايلي هاتغير الكون أحنا هانغيره مع بعض طبعا هاتقدر مش هاتقول انا مكسوف ومش هاتخانق مع الناس وأعمل مشاكل علشان يعملوا الصح لا انا هابني وأضيف من سكات هاكون فعال في المجتمع

الفرق بين الأيجابي والسلبي ذي الفرق بين الواحد والصفر والنهار والليل والكائن الحي والجماد والله هو ده الفرق ذي الوجود والعدم الأنسان السلبي ده في عدم مش موجود ملوش لازمة أديلك دليل على كلامي أية شبهت السلبي بأنه كل (بفتح الكاف) يعني عبأ والأيجابي يأمر بالعدل

قال تعالى:

"ضرب الله مثلا رجلين أحدهما أبكم لا يقدر على شيء وهو كل على مولاه أينما يوجهه لا يأتي بخير هل يستوي هو ومن يأمر بالعدل وهو على سراط مستقيم"

وأنا بقول الأية ديه شايف الناس فعلا ترضى أنك تقابل ربنا يوم القيامة أبكم الغافل عن ربنا أعمى يوم القيامة أعمى القلب والبصيرة أما السلبي فهو أبكم أنت مكنش لك صوت أنت صفر أنت عدم في الدنيا لا يقدر على شيء مفيش حاجة ناجح فيها مفيش حاجة متقدم فيها مالك كده ضعيف ليه القرأن هو ايلي بيأمرك تكون أيجابي

وكلمة كل(بفتح الكاف) أصعب من سلبي لأن معناها أنه عبء عالمجتمع عاطل بيقول أنا نايم مفيش حاجة بأيدي أعملها عبء عالناس عبء على مامته وبباه عبء على المجتمع لا يأتي بخير مفيش منه فايدة

أما الأخر يأمر بالعدل لأن في ناس أيجابية بس فيما يضر المجتمع مش في الحق

يا شباب شوفتوا الفرق بين السلبي والأيجابي علشان كده أنت مش قادر تتحرك لأن القيد ماسكك

وعلشان كده بنقول هل تستوي البلاد الأيجابية والسلبية هل يستوي المسلمين زمان ودلؤتي

يا جماعة يوم القيامة ربنا هايقولك أنت كنت كل كنت صفر ترضاها لنفسك؟ أنت ممكن تقول انا كنت عاصي يارب شوية بس انا غيرت في المجتمع وكنت أيجابي وعملت خير كتير

ومثال في القرأن على الأيجابية سورة النمل

بيقول يا ناس يا سلبيين أتعلموا من النمل دول أكثر أيجابية منك كائن صغير ضعيف يمكن لما تبصله تحتقره لكن هو في الحقيقة أحسن منك يا ناس أما تستحي من النملة هذا الكائن الضئيل شوفت نجحوا ازاي وأتعاونوا ازاي

فاكرين زمان في نلقى الأحبة كنا بنحكي ونقول ياريت تبقوا ذي الناس ديه ودلؤتي بنقول ما تسمعونيش بس أحنا عايزين نضيف في كل المجالات في كل مكان عمال أضيف 24 ساعة تضيف هنا وهنا والناس تقول أيه ده مين عمل ده محدش يعرف بس ربنا عارف ويوم القيامة هاتقوله يارب انا ما كنتش سلبي

وبعدين أحنا عندنا سورة كاملة في القرأن بتتكلم عن الأيجابية مش أية بس وهي لازم نقراها يوم الجمعة علشان نبتدي الأسبوع وأحنا أجابيين وهي سورة الكهف

شباب سابوا بلادهم وراحوا الكهف وأصحاب الجنتين وسيدنا موسى والخضر وذي القرنين

والقرأن يقولك فانطلقا عمال يتحرك ويقول كمان حتى اذا بلغ مغرب الشمس وبين السدين السورة كلها بتقول أتحركوا أبنوا وجابت كل مستويات الأيجابية هاتلاقي الأول شباب كانوا أجابيين وبعدين واحد وصاحبه وبعدين واحد بيعلم تلميذه وبعدين ملك كل مستويات الأيجابية علشان كده لازم نقراها يوم الجمعة علشان نكون كلنا طاقة وحيوية

والعبادات كمان تدعوك تكون أيجابي ذي السعي بين الصفا والمروة ذي السيدة هاجر كان ممكن تروح عالصفا وبعدين المروة وما تلاقيش حاجة فخلاص تقعد تبكي ذينا كده لكن هي راحت وجت وراحت وجت 7 مرات الأيجابي ما بيزهقش بيحاول هنا وهنا هو ده دينا لو كل واحد حط قدامه مثل وقال انا هابقى ده

ذي بالظبط الذرة فيها مركز النواة وفيها ألكترونات بتدور حوليها ذي المجرة الشمس وبتدور حوليها الأرض وأرض بيدور حوليها قمر أيه الموضوع هي ديه الدنيا يا جماعة ناس أيجابيين مركز وناس بتدور وراهم وتحاول تقلدهم

أنا عايزك مركز للبشر أنت مش مجرد ورقة وشيلتها وخلاص كده أنت في كل دقيقة أيجابي وكل شوية باخد واحد جديد معايا انا هاكون شمس بتنور وسط الظلام وألم الناس حواليا تعالوا نتحرك

مثال:

سلمان الفارسي يقترح عالنبي بحفر الخندق وتنجح الفكرة وأنقذ المسلمين كلهم

والحبيب أبن المنذر أثناء غزوة بدر كان عنده 19 سنة راح للنبي وأقترح عليه بردم جميع الأبار وترك واحد فقط يشرب منه المسلمين فقط ونفذت فكرته وبعد 1400 سنة بيذكر أسمه وفكرته

بس ياترى أنت بعد ما تموت حد هايفتكرك حد هايقول ده عمل كذا وكذا صحي الناس كن أيجابي

يوم معركة القادسية بين المسلمين والفرس وهما جم بأفيال والمسلمين بالحصنة والحصنة خافت من الأفيال وأبتدى المسلمين ينهزموا فجه جندي من المسلمين وعمل فيل كبير من الطين وحطه قدام الحصان وقعد يومين قدامه لحد ما الحصان أتعود على الفيل وما بقاش يخاف منه وتاني يوم في المعركة كل الحصنة بتجري خايفة ماعدا هذا الحصان دخل وكسر رجل فيل وأبتدى يقتل في الفرس وبعدها كل الجيش أبتدى يعمل أفيلة من الطين ووضعوها أمام الحصنة وتحقق النصر بهذه الطريقة عن طريق واحد فكر وما أستناش حد نفذ فكرته

وتميم أيلي لقا المسجد بيكون مضلم في صلاة الفجر والعشا فراح على حسابه جاب أنوار للمسجد فدخل النبي عند صلاة الفجر ووجد المسجد منور فقال من فعل هذا قال أنا يا رسول الله فدعا له النبي وقال يا تميم أسأل الله لك أن يسعدك في الدنيا والأخرة

عارفين ليه علشان كان أيجابي ودخل البسمة على وش المسلمين كام سنة روحت الجامع ولقيته محتاج نظافة وقولت مش شغلتي أنا أتكسف خليك راجل وكن أيجابي وشجاع والسلبي جبان خليك جدع ماتقولش مليش دعوة ولا الناس هاتقول عليا ايه وانا بنضف في الجامع

فك يا أخي القيود خليك تنجح بأه

قال رسول الله:" من أدخل السرور على بيت من المسلمين لم يكن له جزاء غير الجنة"

فك القيد بأه أعمل حاجة

كل ايلي أحنا بنقوله مش حكاوي ديه حاجات تساعدك على أنك تفك القيود وأنا هاعرض عليكم أحصائية صغيرة لستات كان ليهم دور مؤثر وقاموا بتعليم رجال ونساء

المثل ده مش حاجة غريبة أو عمل خارق ذي خلدون أيلي كان عنده شلل كلي وكان بيشتغل ويحرك الماوس بلسانه لكن أي حد يقدر يعمل حاجة يعملها حد يبني كده يا جماعة أحيانا لما تسمع الفكرة غير ما تشوفها قدام عنيك ليه أنتي ما تعمليش كده

الأسبوع ده ومن أنهاردة أحنا لازم نضيف كل واحد يلاقي حاجة يقدر يعملها لازم يعملها لازم نضيف حاجة

كان في تاجر راجل فقير وجد أن في ستات أرامل مش لاقيين ياكلوا فقرر يلف عالناس ويجمع لهم مبلغ لكن الناس كانت بتدفع مرة ومرات لأ فقرر أنه يقول للناس أنه مستعد يبعت لكل واحد لحد بيته محتجاته من الخضار والأكل وكل حاجة وياخد 10% زيادة وكان شعاره الصادق الأمين وزاد عدد الناس فاشترى متوسكل وبعدها عربية وبعدين عربيات وأبتدى يعرض عالناس أنه ممكن يبعتلهم أكل مطبوخ جاهز وكان بيروح للستات الأرامل هما ينضفوا ويعملوا الأكل ده وبقوا ستات منتجين وما بقوش مستنين فلوس من حد وأحنا بنعاني من البطالة فكر وأشتغل وأعمل حاجة

خد خطوة لقدام أنا قابلني واحد وقالي أنت فاكر أنك في أسبوع وبكام حلقة هاتقدر تغير سلوك الناس فقولتله رب همة أحيا الأمة فقالي مش كفاية قولتله الناس عايزة تتغير قالي مش كفاية قولتله الناس مش عايزة تسمع خلاص وعايزة تشتغل وهانفضل نكرر المعاني ديه لحد ما ترسخ وهانختم بمشروع أننا لازم نبقى مع بعض ونتحرك فقالي عالعموم هانشوف يمكن

وأنا بسألكم يمكن ولا أكيد هانعمل حاجة؟

تعالوا نتفق على مشروع الأسبوع ده كلنا كل أيلي شاف الحلقة ديه أو سمعها نسأل أمام ربنا يوم القيامة لازم نبلغها لبعض ونقولها لكل الناس ونبتدي من الأسبوع ده معا نصنع الحياة

بس لازم نقيس هانعمل أيه كل خطوة هاكون أيجابي هانعمل أستقصاء نعرف بيه ونسألك 3 أسئلة نعرف أنت أيجابي ولا سلبي ولا نصن نص

وهاتتحرك وتوزع الأستقصاء ده وجاوب عالأسئلة بنفسك ووزعه على أكبر عدد من الناس عايزين نعرف الحلقة غيرت ولا مفيش فايدة أرجوكم ساعدونا

ساعدوني نحرك المسلمين ونعمل نهضة ده علشان نقيس وهدفنا يجي الأسبوع الجي والأيميلات والفاكسات بتقول ان في 70% أيجابي جدا

وأننا كده نجحنا في فك أول قيد ولو فكينا القيد ده وغيره نقدر ننجح وهاكون أيجابي بناء وكلنا نتقدم

الأستقصاء

وأن شاء الله الحلقة الجاية هانعرف نتيجة الأستقصاء أيه وهل أنت أيجابي من صناع الحياة؟ وهو مدته10 أيام هانجمعه الجمعة 12 مارس الهدف 70% أيجابي جدا

وعايزينه يوصل للألاف البشر ووأنت بتوصله تشرحلهم البرنامج

أحنا بيكم وهانعرض لكم النتيجة بمنتهى الصدق فأعينوني بقوة

أحنا خلصنا والأستقصاء عندكم أبعتوه عالنت وبالفكسات ويارب نكون أيجابيين وننفذ الكلام العملي ده

ملحوظة:

يتم الرد على هذا الأستقصاء على

www.amrkhaled.net