صناع الحياة

 

 أحنا في الحلقة التانية من الكلام العملي وأنا بأكد والله ما لقينا حاجة خلال بحثنا في جميع الكتب  غير وأصولها موجودة في دينا حتى أسامي الكتب أترك الغضب أترك النميمة نفس أيلي دينا بيوصي عليه

بالنسبة للأستقصاء بعتلنا 1300 وده الحقيقة أقل من العدد المفروض يجي وأنا كنت حاسس أن العدد هايزيد عن كده تعالوا ندخل عالأيجابية وعدد الناس 600 بعتولي أعمال ايجابية ووصلني للبرنامج الكثير من الأقتراحات وديه حاجة أيجابية يا جماعة أنا وكل أيلي بيعملوا البرنامج ده هانموت لكن الأمل أن الناس ديه تعمل حاجة أحنا بنسأل الله تعالى الأخلاص ونتمنى النجاح علشان لما نقابل ربنا نقوله أحنا نجحنا وقدرنا نعمل حاجة

كنا عرضنا الأسبوع ايلي فات نموذج للأيجابية م/ أحمد سامي فأتصل بعد البرنامج بيا رجل أعمال كويتي وقال أنه هايكون مسئول عن المشروع بأكمله وهايكون على مستوى العالم العربي يا شباب الفلوس هاتيجي بس أنتوا أبتدوا

•  بيحكيلي راجل كبير في السن كان ماشي في شارع ألماظة لقا بلدوزر بيردم حفرة كبيرة فافتكر صناع الحياة فراح للمهندس وقاله بعد ما تخلص الحفرة ديه في حفرتين في شارع كذا عايزين يتردموا فرد عليه وقاله أنتم ايه حكايتكم أنهاردة جالي 3 شباب وطلبوا مني نفس الطلب أنهاردة ولكن البلدوزر بيكون معاه شغل معين فعرف الشباب أن البلدوزر مش هايقدر يجي فلقاهم جابوا خرسانة وردموا الحفرة هو الحقيقة ردم بدائي وبسيط لكنهم حاولوا انهم يعملوا حاجة
• وراح شباب لجامع أبو بكر الصديق وهو جامع كبير يوم الخميس ايلي فات و قدموا خدماتهم وأنهم مستعدين يعلموا  الكمبيوتر واللغات
• ومعانا فتاة كانت موجودة الأسبوع ايلي فات كانت مستمعة بس انهاردة هي هاتكون نموذج هي قررت هي وصديقتها في منطقتها أنهم يعملوا دورة تقوية للغات والكمبيوتر ومهارات يدوية للبنات

 

لازم تكون مقتنع أن من غير أيجابية مفيش نهضة للمسلمين والقيد أيلي أدمى بلادنا وأمتنا الأسلامية هو السلبية ولو فكينا القيد ده هايكون في أمل كبير لينا ولأمتنا الأسلامية كلها

أمبارح كنا بنحفذ للأيجابية و أنهاردة أربع أسئلة هانجاوب عليهم

   1-   ليه الأيجابية مهمة؟

   2-   أيه معوقات الأيجابية؟

   3-   أزاي أكون أيجابي؟

   4-    أيه مجالات الأيجابية

 

1- ليه الأيجابية مهمة:

تكاد تكون السلبية هي أسوأ وأخطر شيء ممكن يضر أي بلد والأيجابية هي أهم وسيلة للنهضة

أيه الحاجة ايلي بتنهض بالأمم عملوا دراسات أزاي الأمم بتنهض من فجر التاريخ حتى الأن ولقوا أن النهضة بتقوم على أفراد أيجابيين جدا وعندهم حلم وطموح وأول ما بيدوروا على حد يساعدهم بيدوروا على ناس أيجابية ذيهم فيتحول الموضوع كله لنهضة

• نهضة الصين قامت على رجل عنده 56 سنة
• الأسلام قام عالنبي عليه الصلاة والسلام الأيجابي الفعال الأول في كل الميادين ودور على الأيجابيين معاه من الصحابة

يا جماعة النهضة بتقوم على ناس أول صفة ليهم أيجابيين وأحنا نفسنا ننهض ببلدنا وعايزين نعز دينا ونعز نفسنا بالأيجابية

أيه رأيكم لما نقول اللهم أعز الأسلام والمسلمين فربنا يطلع منا أيلي يعز بيهم الأسلام ويبدأ المجتمع بالأفراد دول بداية نهضة

أيه السمة المميزة أيلي ربنا عايزها في المسلم؟؟ هي الأيجابية والسمة ديه للمسلمين ربنا ميزهم بيها عن جميع الأمم "كنتم خير أمة أخرجت للناس تأمرون بالمعروف وتنهون عن المنكر وتؤمنون بالله"  وهو ده ايلي احنا عايزينه في برنامجنا نأمر بالمعروف أعمل وضيف السمة المميزة ليكم يا مسلمين أنكم أيجابيين أنتم خير أمة وهو بيتكلم عن مجتمع فكل المجتمع لو أيجابي فالأيمان هايزيد

بتلاقي دايما الأيات بتتكلم بالعموم فتتكلم بصيغة الرجل وتكون للرجال والنساء ولكن في الأيجابية أتكلم عنهم معا

"والمؤمنون والمؤمنات بعضهم أولياء بعض تأمرون بالمعروف"

ولو أنت مش أيجابي فمعندكش الصفة ديه والرسول عليه الصلاة والسلام قال " الدين النصيحة" في كل المجالات تنصح الدنيا كلها وتاخد بإيد الدنيا كلها 0

مش اني بقيت ايجابي كده وخلاص لأ لانك مسلم كويس وفاهم دينك ولو انت مش ايجابي انت عندك خلل في فهم الاسلام

خطورة الايجابية انها نجاة من هلاك الامم ومن غير الايجابية نعيش عيشة ضنك ومريرة " وما كان ربك ليهلك القري بظلم واهلها مصلحون " مصلحون  ايجابيين يعني الايجابية هي النجاة كأن التاريخ يشهد لا نهضة الا بالايجابية والله سبحانه وتعالي يحذرك لو انت مش ايجابي فاحذر الهلاك وهو ده دينــــا 0

ما هي موانع الايجابية :

1-الخجل من الناس

2-الخوف من الخطأ

3-اليأس السريع عند فشل المحاولات الاولى

4-الشعور باستحالة مواجه المعوقات الخارجية

_______________________________________________________________

أول مشكلة

الخجل من الناس: هاتتكسف من الحق والخير؟ في فرق كبير بين الحياء والخجل الحياء ده مطلوب أنك تتعفف أنك تستحي تهين نفسك بالمعاصي خليك شجاع وقوي أتحرك

·         عندك النبي عليه الصلاة والسلام مثال على الشجاعة والقوة ونشر الأسلام ونفذ أمر ربنا من غير كسوف وكانوا بيقولوا عليه شاعر ومجنون لكنه ما أهتمش ما أتكسفش لأ كان عنده رسالة يؤديها

·         عمرو بن الخطاب في أول يوم أسلامه يروح للنبي عليه الصلاة والسلام ويخبط عالباب فيفتحله صحابي فكل ايلي قاعدين عند النبي يخافوا منه فالنبي عليه الصلاة والسلام يمسكه ويهزه ويقوله أمالك أن تسلم فقال عمرو أشهد أن لا اله الا الله وأن محمد رسول الله ثم قال يا رسول الله ألسنا على الحق وأليسوا على الباطل فلما الأختفاء فقال النبي ماذا ترى يا عمرو فقال نخرج ونعلن أن لا اله الا الله وأنك رسول الله فخرجوا صفين يرددون الشهادة بشجاعة كان ممكن يكون خلاص أنا أسلمت كفاية عليا لكنه من أول لحظة أسلام وهو أيجابي وكان عايز كل قريش تعرف أنه أسلم فراح لأبو سفيان فقال له أتعلم أشهد أن لا اله الا الله وأن محمد رسول الله فقال له ويحك وغلق في وجهه الباب فعمرو ما كان يريد ذلك كان عايز كل قريش تعرف أنه أسلم فسأل من أكثر رجل ينشر الأخبار في قريش فعرف أنه الجميل أبن العمم فذهب له وقال أخبرك خبرا وتكتمه فقال له الجميل ماذا؟ فقال أشهد أن لا اله الا الله وأن محمد رسول الله فخرج في كل أنحاء البلد وفشى الخبر بأن عمرو أسلم

     ثم ذهب عمرو لبيته وجمع أولاده وقال لهم أنا أسلمت ومحرم عليكم أن تتحدثوا معي حتى تسلموا فخرج من بين أبنائه أصغرهم وقال له أنا أسلمت منذ أكثر من عام

• ومثال أخر شاب كويتي أسمه هشام كان في تانية ثانوي وكان عايش في بلد أجنبي وكل يوم أحد يروح من الساعة 8 صباحا لحد المغرب في أكثر مكان تجمع لهم في هذا اليوم وكان يشرح لهم الأسلام حتى ينبح صوته وهو الأن دكتور كبير
• وأول جامع أنشأ في جامعة من الجامعات الكبيرة كان بسبب ولد في أولى زراعة دخل الكلية وملقاش مسجد فسأل عنه فقالوله مفيش غير بدروم تحت الأرض ممكن تنزل تصلي فيه فالولد نزل لقا عامل بيصلي تحت الأرض ولقى المكان غير لائق للصلاة وقال انا مقدرش أصلي تحت الأرض فوقف في اكتر حتة مشهورة في الكلية وأذن أذان الظهر وأبتدى يقيم الصلاة وصلى وأصحابه كانوا بيسخروا منه ويضحكوا أيه ايلي هو بيعمله ده مر يوم وأتنين وبعدين جه العامل وصلى معاه وبعد أسبوع بقوا 3 وبعد شهر بقوا 10 وبعدها الأستاذ راح وصلى معاهم وبعد كده لما لقوا أستاذهم بيصلي هنا وما اتكسفش بقوا يتجمعوا كلهم ويصلوا مع بعض في الحتة ديه لحد ما وصل ايلي بيعملوه ده للعميد فقرر أنه يخصص لهم أوضة كبيرة يتجمعوا يصلوا فيها وأبتدت من هنا فكرة أنشاء مسجد في الكلية من واحد أيجابي بقا في كل كلية جامع علشان واحد ما أتكسفش

يبقى علشان تكون أيجابي وتبعد عن الخجل:

       1-    وجود هدف في الحياة

      2-   أرادة وهمة عالية

_____________________________________________________________________

هدفنا أنهاردة نكسر كل معوق للأيجابية شوفت النماذج أيلي ما أتكسفتش وربنا كان معاهم وساعدهم

تاني مشكلة

 الخوف من الخطأ بيقول أنا أول ما هاعمل حاجة هافشل

يا جماعة بداية النجاح تجربة فاشلة الشعوب العربية والأسلامية خايفة تغلط

أنا هاحكيلكم تجربتي الشخصية وأنا صغير كنت منطوي جدا وبخاف أعمل حاجة أحسن أغلط وكنت بتكسف حتى أعد باقي الفلوس قدام الناس أحسن أتلخبط في العد وكان والدي خايف عليا جدا من كده لحد ثانوي لما أبتديت أتدين حسيت أن أنا ماسك الدنيا في أيدي وأني قوي جدا بس كنت حاسس أني لا يمكن هانجح لحد ما تذوقت تجربة نجاح حقيقية كان ليا صديق حميم أوي مش متدين فقعدت أدعيه لحد ما بقى يجي يصلي معايا في الجامع و الحمد لله بقا متدين فلقيت أني ممكن أنجح فأنا بحب الكورة وبحب الدين فعملت دورة كورة بين المساجد وبعضها وكلنا أتعرفنا على بعض وخدنا بأيد بعض بعدها ومن ساعتها وأنا فضلت أنجح وأنجح لأني تذوقت حلاوة النجاح خلي عندك ثقة في الله وجرب

حل مشكلة خايف أغلط:

   1-   وجود هدف في الحياة

   2-   أرادة وهمة عالية

   3-   ثقة في الله

   4-   تذوق تجربة ناجحة

   كل ده حل كيف تكون أيجابي بس أنت موافق معايا أنك تفك القيد؟

__________________________________________________________________

ثالث مشكلة

:اليأس السريع عند الفشل في المحاولة الأولى جرب تاني وتالت أديك مثل

• النبي عليه الصلاة والسلام علشان يروح المدينة عرض على 26 قبيلة ورفضوا 26 محاولة وهو يحاول وهما يردوه أشد الرد وكلها محاولات على الطريق مش فاشلة أوعى تجرب مرة والتانية وما تنفعش فتيأس
• تعرفوا أديسون عمل 99 محاولة فاشلة وزمايله قالوله كفاية مفيش فايدة أنت فاشل في كل محاولة وهو قالهم يكفيني أني أضفت 99 محاولة غلط للبشرية فوفرت عليهم 99 تجربة هاتفشل ولكنه في الأخر نجح

تجربة وفشلت لا تيأس أصبر وجرب وأغلط مش عيب الغلط هو أيلي بيعلم الصح

الحل:

   1.    وجود هدف في الحياة

   2.    أرادة وهمة عالية

   3.    ثقة في الله

   4.    تذوق تجربة ناجحة

   5.    الصبر وعدم اليأس

والحاجات ديه كلها جاية من القرأن والسنة

_____________________________________________________________________

رابع مشكلة

 أنه ينظر للمعوقات فيقول أنا مش هاقدر عالظروف الخارجية فمش قادر أنجح

يا جماعة الظروف ديه بيطلع من قلبها النجاح النبي أبتدى لوحده

·         سيدنا يوسف أترمى في بئر 3 أيام وأخواته بيكرهوه كلهم ويتباع عبد بعد كده ويترمي في السجن كل ده خد من عمره 40 سنة ويطلع بعد كده وزير أقتصاد ويكون السبب في أن كل فلسطين والشرق الأوسط يقدروا ياكلوا بثقة من ربه

يا شباب أنت مستعد بعد المعوقات ديه تقول والله من أنهاردة مش هاتكسف ومن أنهاردة مش هايئس ولا هاخاف أني أغلط ومهما كانت المعوقات شديدة أيلي عايز ينجح هاينجح

• في غزوة مؤتة كان عدد المسلمين 3000 قدام 200000 و 3000 معاهم ألف فرس وال 200000 معاهم خمسين ألف فرس كان ممكن ال3000 يرجعوا للنبي ويقولوا أستحالة هاننجح لكنهم فكروا أنهم لو دخلوا الصحرا فال200000 هايخلصوا عليهم فدخلوا منطقة ضيقة علشان يوجهوهم بعددهم فالرومان أضطروا يقسموا جيشهم فدخلوا 3000 ورا بعض لأن البلد ضيقة والمعركة تستمر 6 أيام الشهداء من المسلمين 12 ومن الرومان قتل 1500 لحد ما الرومان كانوا بيقولوا أهؤلاء بشر أم هم من الجن

 تخيلوا تاريخكم يا مسلمين بأيجابية أفراد يا جماعة مهما كانت المعوقات

مفيش حد بيحط حاجة في دماغه ويعيش علشانها ويبذل من أجلها بجدية غير ويحققها

من يرد ثواب الدنيا نؤته منها ومن يرد ثواب الأخرة نؤته منها

يابني تخاف ليه هاتحققها أن شاء الله لو شلت كلمة الدنيا والأخرة تلائي من يرد نؤته يعني هاتاخد دنيا وأخرة

 ____________________________________________________

يبقى أزاي أكون أيجابي لما تحارب الأربع معوقات دول وعلشان تكون أيجابي:

1- وجود هدف في الحياة

2-  أرادة وهمة عالية

3-  ثقة في الله

4-  تذوق تجربة ناجحة

5-  الصبر وعدم اليأس

6-  الذكاء الأيجابي

علشان تكون أيجابي كمل الصفات ديه في نفسك أيه المجالات أيلي نفسك تكون أيجابي فيها العيلة – المدرسة – الشغل – الكلية – الجيران – حماية البيئة بكل الوسائل

·         واحد من الأردن قال أنه سمع حديث النبي "من أدخل السرور على أهل بيت من المسلمين ليس له جزاء الا الجنة" فقال أنا فقير بس كنت بلاقي ناس غلابة أوي ومش لاقيين ياكلوا حتى وأنا نفسي أساعدهم فبقى يمر على الفنادق الكبيرة ويطلب منهم أنهم يدوه بواقي الأكل الكبيرة أيلي بتترمي كل يوم والفنادق بقوا يدوه كل يوم وهو يروح يوزع عالناس الغلابة ويفرحهم بالأكل ده وبعدها ربنا أداه وكرمه وفتح عليه وساعده ذي ما هو ساعد الناس الغلابة وفكر فيهم

يا جماعة يالي بتسمعوني أنت عملت أيه خلي أضافتك للمسلمين علشان تقابل ربنا وتقوله أنا عملت حاجة

• نموذج بسيط توفا والديه وكان له ظروف صعبة شوف البرنامج بيتحول لنماذج قدامك واحد أول ما أتعلم قرر أنه يساعد ويعلم قريته ولحد دلؤتي علم نص القرية ايلي كانت أمية أحمد قرر أنه يواجه اليأس وكان له من صغره هدف وهو أنه يكون دكتور ويساعد الناس بدون مقابل أو تكليف من حد وكل أيلي بيدور عليه هو ثواب من ربنا

  لو كل شاب فكر كده أنه يمحي أمية أبناء بلده هانتقدم كتير أوي في ناس في الدنيا ديه بتتحرك أهيه أنتي عملتي أيه؟

يا شباب أيلي ما بيضفش حاجة في الدنيا يبقا ملوش لازمة ضيف حاجة قبل ما تموت

_____________________________________________________________________

الواجب العملي:

الأسبوع أيلي فات كان لازم تعمل عمل أيجابي المرة ديه المشروع هو العيلة أول مجال العمل الأيجابي لازم تدور على أسرة فقيرة في عيلتك أو لها عائل مات أو عندها مشاكل وتساعدها ماديا أوحتى بطبطبة أو بابتسامة وكلمة طيبة

يلا نتفق كل الناس تتجمع وتبعتولي الأستقصاء وتردوا علينا هانتحرك كلنا مع بعض ونفسنا نجيب 70% أيجابي جدا لو جبناهم هانقول أننا فكينا القيد الأول وهانروح للقيد التاني وهو الوقت

أنا حاسس أن نماذج الناس ايلي نجحت هي القوة لينا (أذا لم تزد في الحياة شيئا صرت أنت زائدا عليها)

 

النهضة التراكمية:كل جيل يعمل جزء من النهضة ويسلمها للجيش ايلي بعده يكمل

والنهضة الحاشدة:ذي نهضة الصين والأسلام قامت على قوة الناس الأيجابية والصحابة

أحنا عايزين النهضة الحاشدة علشان كده هاناخد بأيد بعض ونصنع الحياة ونتحد كلنا ونعمل نهضة حاشدة وعندنا أمل كبير في النجاح أن شاء الله